...

       ...tekšne lepi den za delati v vrtu, bašči kak bi pri nami rekli. Jožek se digel jutros, rane, rane, čak me o kušnul. Čim sme kavicu spili ja sem se dela v štalicu, a on je privužgal Tomu i zjahal celega vrta, zemlica se taman prosušila. Ja sem si rekla denes ne bum niš kuhala, je moremo eden den i brez ručka biti. Je, i kaj mislite da sem se odmorila? Ni slučajne.

        Prve sem išla v bašči gredice nadelati, pak sem onak nabrzinu male salatice, mrkvicu i peršina posejala, taman kad sam sela veli Jožek, kaj sediš, kaj ne bume denes v goricah išli. Je, i išli sme, sem se onak sela na blatobran od velikeg traktora, Jožek je zakvačil tanjurače, veli on bu med redma zjahal, a ja male da z motikom oko trsja prehićem.

        Tak je i bile, Jožek med redma, a ja oko trsja... kad najenput Jožek traktora zgasi i dojde k meni, onak z leđa i krene mi suknju zadizati. Je, velim ja njemu, koji je vrag sad  v tebe ušel, si ponorel. A veli on meni, ftiček moj, da ga je  bile stah da bu stupe z traktorem zjahal, kak mu stalne oči bežiju na moju rit, kak se lepo trese dok okopavljem, da mu je tak nedošle. Velim ja njemu da nemremo tu, buju nas ljudi videli kaj činime, je, pa buju rekli da sme mi, kak se ono veli, eksibicijonisti, seksibcijonisi, kaj ja već znam kak se to veli, a znaš kak ljudi voliju takšne stvari spovedati, pa priča naraste, a ak dojde do Jage od Presvetloga, ne bu nas šlel ni pri meši pričestiti.  

A opet si nekaj premišlavljem, je, ak mu ne bum dala bu bil nervozen, pa bu ili z Štefekom v birtiju pošel ili bu kod Kate Jankecove išel, je a on bedak niš ne zna... i kak got da pregruntavlem, nekak mi se sve više čini da je najbolše da mu dam. Je, fala Bogeku dragome kaj je moj Jožek tak pametni, pa se mam zmislil, veli deni glavu v grm, pa se ne buš vidla. I tak sem dela glavu v grm, Jožek mi je zdigel roklju, pa sme to obavili tak v prirodi na čistem zraku, mogu vam reč da je baš dobre bile.

Al sad me nekak peče savest, je kaj ak nas je negdo ipak videl. Joj mene!